યુકેની સંસદમાં કાશ્મીરી એક્ટિવિસ્ટ યાના મીરે ભારત વિરુદ્ધ દુષ્પ્રચાર ફેલાવવા બદલ પાકિસ્તાનની જાટકણી કાઢી
યાના મીરને યુકેની સંસદમાં “ડાયવર્સિટી એમ્બેસેડર એવોર્ડ” આપવામાં આવ્યો
કાશ્મીરી પત્રકાર અને કાર્યકર્તા યાના મીરે બ્રિટિશ સંસદમાં આપેલા પોતાનાં ભાષણમાં પાકિસ્તાન દ્વારા ફેલાવવામાં આવી રહેલી મનઘડંત વાતો પર ઉગ્ર નિશાન સાધ્યું હતું. પાકિસ્તાન પર નિશાન સાધતા યાના મીરે કહ્યું કે પાકિસ્તાન જાણીજોઈને દુનિયાભરમાં ભારત વિરુદ્ધ ખોટો પ્રચાર કરે છે. યાના મીરે કહ્યું કે “હું મલાલા નથી. હું આઝાદ છું અને મારા દેશ ભારતમાં, કાશ્મીરમાં મારા ઘરમાં સુરક્ષિત છું જે ભારતનું અભિન્ન અંગ છે. મારે ક્યારેય મારા વતનથી ભાગવું પડશે નહીં.“
જમ્મુ કાશ્મીર સ્ટડી સેન્ટર યુકે દ્વારા બ્રિટીશ સંસદમાં કાર્યક્રમનું આયોજન કરવામાં આવ્યું હતું. બ્રિટીશ સંસદમાં આ કાર્યક્રમ “સંકલ્પ દિવસ”ના ઉપલક્ષ્યમાં યોજવામાં આવ્યો હતો. આ કાર્યક્રમમાં યાના મીરને “વિવિધતા રાજદૂત પુરસ્કાર” પણ આપવામાં આવ્યો હતો.
કાશ્મીરી પત્રકાર યાના મીરે ભારત વિરુદ્ધ દુષ્પ્રચાર ફેલાવવા બદલ પાકિસ્તાનની ટીકા કરી છે. બ્રિટિશ સંસદમાં બોલતા યાના મીરે પાકિસ્તાની એક્ટિવિસ્ટ મલાલા યુસુફઝાઈ સાથે પોતાની સરખામણીને નકારી કાઢી હતી. આ મુદ્દે યાના મીરે કહ્યું હતું કે “હું મલાલા યુસુફજઇ નથી. હું મારા દેશમાં સુરક્ષિત છું. પાકિસ્તાન પર નિશાન સાધતા મીરે કહ્યું કે કાશ્મીર ભારતનું અભિન્ન અંગ છે અને હું ત્યાં આઝાદ અને સુરક્ષિત છું. મારે ક્યારેય મારા દેશથી ભાગવું નહી પડે. આ દરમિયાન તેમણે યુવાનોના વિકાસમાં ભારતીય સેનાના પ્રયાસોની પણ પ્રશંસા કરી હતી.
કાશ્મીરી પત્રકાર અને કાર્યકર્તા યાના મીરને યુકેની સંસદ દ્વારા આયોજિત ‘સંકલ્પ દિવસ’ના કાર્યક્રમમાં સન્માનિત કરવા આમંત્રણ આપવામાં આવ્યું હતું. જમ્મુ અને કાશ્મીરમાં વિવિધતાને પ્રોત્સાહન આપવાના તેમના પ્રયાસો બદલ યાના મીરને “ડાયવર્સિટી એમ્બેસેડર એવોર્ડ“થી સન્માનિત કરવામાં આવ્યા હતા. જેકેએસસીએ જણાવ્યું હતું કે આ કાર્યક્રમમાં 100 થી વધુ મહાનુભાવોએ હાજરી આપી હતી. હાજરી આપનારાઓમાં યુકેની સંસદના સભ્યો, સ્થાનિક કાઉન્સિલરો, સમુદાયના નેતાઓ અને વધુનો સમાવેશ થાય છે. કાર્યક્રમમાં હાજરી આપનાર યુકેના સાંસદોમાં બોબ બ્લેકમેન, થેરેસા વિલિયર્સ, ઇલિયટ કોલબર્ન અને વીરેન્દ્ર શર્માનો સમાવેશ થાય છે.
બ્રિટિશ સંસદમાં બોલતા મીરે ભારપૂર્વક જણાવ્યું હતું કે તે મલાલા યુસુફઝાઈ નથી જેણે આતંકવાદના જોખમને કારણે પોતાનો દેશ છોડવો પડ્યો હતો. તેણે કહ્યું કે હું મારા દેશ ભારતમાં આઝાદ અને સુરક્ષિત છું. હું મારી માતૃભૂમિ કાશ્મીરમાં સુરક્ષિત છું જે ભારતનું અભિન્ન અંગ છે. મારે ક્યારેય ભાગીને તમારા દેશમાં આશરો લેવાની જરૂર પડશે નહીં.
મારા દેશ અને મારી માતૃભૂમિ કાશ્મીરને દલિત કહીને બદનામ કરવાના મલાલાના કાવતરા સામે મને વાંધો છે. મને સોશિયલ મીડિયા અને ઈન્ટરનેશનલ મીડિયાના આવા તમામ ટૂલકીટ સભ્યો સામે વાંધો છે, જેમણે ક્યારેય કાશ્મીરની મુલાકાત લેવાની તસ્દી લીધી નથી, પરંતુ જુલ્મની મનઘડંત વાર્તાઓ ઘડતા રહે છે. પાકિસ્તાનના કબજા હેઠળના કાશ્મીર (PoK) પર ફરીથી દાવો કરવાના ભારતના અધિકાર પર ભાર મૂક્યો હતો. યાના મીરે કહ્યું છે કે કાશ્મીર હંમેશા ભારતનો ભાગ હતો અને રહેશે.
આંતરરાષ્ટ્રીય મીડિયા પર નિશાન સાધતા યાના મીરે કહ્યું, બ્રિટનના લિવિંગ રૂમમાંથી રિપોર્ટિંગ કરીને ભારતના ભાગલા પાડવાની કોશિશ બંધ કરો. આતંકવાદને કારણે કાશ્મીરની હજારો માતાઓ પોતાના બાળકો ગુમાવી ચૂકી છે. અમારો પીછો કરવાનું બંધ કરો. કાશ્મીરી લોકોને જીવવા દો.
મીરે વધુમાં કહ્યું, હું તમને વિનંતી કરું છું કે ધર્મના આધારે ભારતીયોને વિભાજિત કરવાનું બંધ કરો. અમે તમને ક્યારેય આવું કરવા દઈશું નહીં. પસંદગીયુક્ત પ્રચાર ફેલાવવાનું બંધ કરો. મને આશા છે કે આપણા દેશના ગુનેગારો જેઓ પાકિસ્તાન અને બ્રિટનમાં રહે છે તેઓ આંતરરાષ્ટ્રીય મીડિયા અથવા આંતરરાષ્ટ્રીય માનવાધિકાર મંચ પર ભારતને બદનામ કરવાનું બંધ કરશે.
કોણ છે યાના મીર?
યાના મીર ભારતીય કેન્દ્રશાસિત પ્રદેશ જમ્મુ અને કાશ્મીરની રહેવાસી છે. તે વ્યવસાયે પત્રકાર છે. આ સાથે યાના મીર એક સામાજિક કાર્યકર્તા પણ છે. યાના મીરે ઈન્સ્ટાગ્રામ પર પોતાની ઓળખમાં પોતાને પત્રકાર ગણાવી છે. આ સિવાય તેણે લખ્યું છે કે તે કાશ્મીરની પ્રથમ મહિલા બ્લોગર છે.
