કોંગ્રેસના ધારાસભ્ય હૈદરાબાદ શિફ્ટ, લાલુની ચાણક્ય નીતીમાં ફસાયા નીતિશ કુમાર
લાલુ યાદવે પણ આ માટે રણનીતિ તૈયાર કરી, આરજેડી તરફથી સતત દાવો કરવામાં આવી રહ્યો છે કે, બિહારમાં પણ ખેલ પડશે?
હાલ દેશના બે રાજ્ય બિહાર અને ઝારખંડના રાજકારણમાં ઉથલપાથલ ચાલી રહી છે. જોકે, ઝારખંડમાં ચંપાઈ સોરેનની આગેવાની હેઠળની સરકારે બહુમતી મેળવી લીધી છે. પરંતુ બિહારમાં બહુમતી અંગેની કસોટી 12મી ફેબ્રુઆરીએ થવાની છે. તાજેતરમાં નીતીશ કુમારે મહાગઠબંધન સાથે નાતો તોડીને ભાજપ સાથે સરકાર બનાવી હતી. રાજ્યપાલને 128 ધારાસભ્યોના સમર્થન પત્રો સોંપવામાં આવ્યા હતા. સરકારમાંથી બહાર ફેંકાયા બાદ આરજેડીના લોકો ગુસ્સાથી બધા વાકેફ છે. આરજેડી સતત નીતિશ કુમાર માટે મુશ્કેલી ઊભી કરવાનો પ્રયાસ કરી રહી છે અને લાલુ યાદવ પણ આ માટે રણનીતિ તૈયાર કરી રહ્યા છે. આ જ કારણ છે કે બહુમત પરીક્ષણ પહેલા આરજેડી તરથી સતત દાવો કરી રહ્યું છે કે તે બિહારમાં પણ ખેલ પાડશે.
ધારાસભ્યોનો સંખ્યા બળ
હાલમાં સત્તાધારી પક્ષ પાસે 128 ધારાસભ્યોનું સમર્થન છે. ભાજપના 78 ધારાસભ્યો છે, જેડીયુ પાસે 45, જીતન રામ માંઝીની પાર્ટી એચએએમ પાસે ચાર અને એક અપક્ષ ધારાસભ્ય છે. બીજી તરફ મહાગઠબંધન વિપક્ષમાં ધારાસભ્યોની સંખ્યા 115 છે. એટલે કે તેજસ્વી યાદવ સરકાર બનાવવાથી માત્ર 7 પગલાં દૂર છે. આ જ કારણ છે કે તેજસ્વીને સીએમ બનાવવા માટે લાલુ યાદવ પોતે છેડછાડની રાજનીતિમાં લાગેલા છે.
માંઝીને CM બનાવવા માટે આમંત્રણ
આરજેડી સરકારમાંથી બહાર થયા પછી ભલે આક્રમક વલણ અપનાવ્યું નથી. પરંતુ ક્યાંક ને ક્યાંક લાલુ યાદવ પડદા પાછળ જબરદસ્ત વ્યૂહરચના બનાવી રહ્યા છે. આ વ્યૂહરચના હેઠળ લાલુએ ચાર ધારાસભ્યો સાથે HAM પાર્ટીના સંરક્ષક જીતનરામ માંઝીને મુખ્યમંત્રી બનાવવા માટે આમંત્રણ પણ આપ્યું હતું. આવી સ્થિતિમાં જ્યાં સુધી બિહારમાં ફ્લોર પરીક્ષણ ન થાય ત્યાં સુધી રમતની શક્યતાઓ અકબંધ રહે છે.
સ્પીકરે રાજીનામું આપ્યું નથી
લાલુ યાદવને સૌથી વધુ એક બાબતનો ફાયદો છે કે સ્પીકર અવધ નારાયણ ચૌધરી RJD તેમની પાર્ટીના છે. NDA સરકાર પણ બનાવી ચૂકી છે. તેમ છતાં ય તેમણે રાજીનામું આપ્યું નથી. આ જ કારણ છે કે સ્પીકરના માધ્યમથી લાલ યાદવ ફ્લોર ટેસ્ટ દરમિયાન થોડી કૂટનીતિ ચલાવી શકે છે. જોકે, નીતીશ કુમાર હાલમાં અવધ નારાયણ ચૌધરીને હટાવવાની રણનીતિ પર કામ કરી રહ્યા છે. તેમની સામે અવિશ્વાસની દરખાસ્ત પણ લાવવામાં આવી છે. પરંતુ જીતનરામ માંઝી એનડીએ તરફથી નારાજ દેખાય છે. આવી સ્થિતિમાં બધાની નજર તેના ઉપર ટકી છે.
