તેઓ સરકારને ઉથલાવી દેવાનું વિચારી રહ્યા છે અને અમે એક રાષ્ટ્ર બનાવવાનું વિચારી રહ્યા છીએ: પીએમ મોદી
ટીકાનો જવાબ એવી ભાષામાં આપો જે શિષ્ટાચાર જાળવી રાખે
સંસદની સુરક્ષામાં ખામીને લઈને 92 સાંસદોને સસ્પેન્ડ
સંસદના શિયાળુ સત્ર વચ્ચે મંગળવારે ભાજપ સંસદીય દળની બેઠક એક યોજાઈ હતી. આ બેઠકમાં દેશના વડાપ્રધાન નરેન્દ્ર મોદી, લખનઉના સંસદીય ક્ષેત્રના સાંસદ અને ભારતના રક્ષા મંત્રી રાજનાથ સિંહ અને ભાજપના રાષ્ટ્રીય અધ્યક્ષ જેપી નડ્ડા સંસદીય દળની બેઠકમાં ઉપસ્થિત રહ્યા હતા. આ બેઠકમાં પીએમ મોદીએ આગામી 2024ની લોકસભા ચૂંટણી માટે ભાજપના નેતાઓને કેટલાક સૂચનો આપ્યા હતા. વડાપ્રધાન નરેન્દ્ર મોદીએ મંગળવારે પોતાની પાર્ટીના ભાજપના સાંસદોને વિપક્ષની ટીકાનો જવાબ આપતાં શિષ્ટાચાર જાળવવાની સલાહ આપી હતી.
પીએમ મોદીએ કહ્યું, “તેઓ સરકારને ઉથલાવી દેવાનું વિચારી રહ્યા છે અને અમે એક રાષ્ટ્ર બનાવવાનું વિચારી રહ્યા છીએ. ટીકાનો જવાબ એવી ભાષામાં આપો જે શિષ્ટાચાર જાળવી રાખે.” આ દરમિયાન પીએમ મોદીએ સંસદની સુરક્ષામાં ક્ષતિને લઈને વિપક્ષના વલણ પર નિશાન સાધ્યું હતું.
આ ઘટનાક્રમ પર પ્રતિક્રિયા આપતા પીએમ મોદીએ કહ્યું, ‘વિપક્ષ વિધાનસભા ચૂંટણીમાં હારથી હતાશ છે અને હતાશામાં સંસદ સત્રને ખોરવી રહ્યું છે. ઈન્ડિયા ગઠબંધનનો ઉદ્દેશ્ય અમારી સરકારને ઉથલાવી દેવાનો છે, પરંતુ અમારો ઉદ્દેશ્ય દેશ માટે ઉજ્જવળ ભવિષ્ય બનાવવાનો છે.
વિપક્ષે આજે પણ સંસદમાં સૂરક્ષાને લઈને હોબાળો
સંસદની સુરક્ષામાં ખામીને લઈને આજે પણ લોકસભા અને રાજ્યસભા બંને ગૃહમાં ભારે હોબાળો થયો હતો. આજે સવારે લોકસભા અને રાજ્યસભાની કાર્યવાહી શરૂ થતાં જ વિપક્ષોએ હંગામો શરૂ કર્યો હતો. વિપક્ષના હોબાળાને કારણે અત્યાર સુધીમાં 92 સાંસદોને સસ્પેન્ડ કરવામાં આવ્યા છે. સંસદની સુરક્ષામાં ક્ષતિને લઈને વિપક્ષની માંગ છે કે ગૃહમંત્રી અમિત શાહે બંને ગૃહમાં આવીને આ મામલે નિવેદન આપવું જોઈએ અને ત્યાર બાદ આ મુદ્દે ચર્ચા થવી જોઈએ.
સસ્પેન્ડ સાંસદો સંસદના મકર દ્વારે સરકાર સામે વિરોધ કરી રહ્યા
વિપક્ષના સાંસદો મકર દ્વાર ઉપર સરકાર સામે વિરોધ પ્રદર્શન કરી રહ્યા છે. સોમવાર, 18 ડિસેમ્બર શિયાળુ સત્રને બાધિત કરવા માટે લોકસભા અને રાજ્યસભાઓ સહિત 78 સાંસદોની સમીક્ષા કરવામાં આવી હતી. સાંસદોની અસહમતિ રજૂઆતોના કારણે બહાર કાઢે છે.
