પૂરમાં ફસાયેલા લગભગ 25 લોકોનો બચાવ, જનજીવન અસ્તવ્યસ્ત
સાવચેતીના પગલા તરીકે આજે શાળા-કોલેજો બંધ રાખવામાં આવી
શુક્રવારે રાત્રે પડેલા ભારે વરસાદને કારણે નાગપુરમાં જનજીવન અસ્તવ્યસ્ત થઈ ગયું છે. ભારે વરસાદને કારણે શહેરના અનેક વિસ્તારોમાં પાણી ભરાઈ ગયા હતા. રસ્તાઓ અને કોલોનીઓમાં પાણી જમા થયા છે. આ વિસ્તારમાં NDRFની ટીમ તૈનાત કરવામાં આવી છે, જે રાહત કામગીરી કરી રહી છે. પૂરમાં ફસાયેલા લગભગ 25 લોકોને બચાવી લેવામાં આવ્યા છે. સાવચેતીના પગલા તરીકે આજે શાળા-કોલેજો બંધ રાખવામાં આવી છે. નાગપુર શહેરમાં લગભગ 106 મીમી વરસાદ નોંધાયો હતો. ભારે વરસાદને કારણે શહેરની નાગલવાડી, અંબાઝારી કોર્પોરેશન કોલોનીમાં અનેક ઘરોમાં પાણી ઘૂસી ગયા હતા. હવામાન વિભાગે નાગપુરમાં પહેલાથી જ ઓરેન્જ એલર્ટ જાહેર કરી દીધું હતું.
હવામાન વિભાગની આગાહી મુજબ શુક્રવારે દિવસભર નાગપુરમાં વરસાદ ચાલુ રહ્યો હતો. ભારે વરસાદને કારણે નાસિકમાં પણ ગોદાવરી નદીમાં ઉછાળો છે. સાંજ પછી વરસાદનું જોર વધતાં અંબાઝરી તળાવ ઓવરફ્લો થયું હતું. ઘણા વાહનો પાણીમાં ડૂબેલા જોવા મળ્યા હતા. વરસાદના કારણે અનેક વિસ્તારોમાં પાણી ભરાયા બાદ જિલ્લા પ્રશાસને તાત્કાલિક રાહત કાર્ય શરૂ કરી દીધું હતું. એનડીઆરએફનું એક યુનિટ અને એસડીઆરએફના બે યુનિટ તૈનાત કરવામાં આવ્યા છે.
નાયબ મુખ્ય પ્રધાન દેવેન્દ્ર ફડણવીસે પણ આ અંગે જરૂરી પગલાં લેવાની સૂચના આપી છે. તેમણે એમ પણ કહ્યું કે તેઓ વહીવટીતંત્રના સતત સંપર્કમાં છે અને પરિસ્થિતિ પર નજર રાખી રહ્યા છે. નદી-નાળાઓમાં પાણીની આવક વધી રહી હોવાનું પાલિકાએ જણાવ્યું છે. નદી-નાળાઓમાં પાણીની આવક વધી રહી હોવાનું પાલિકાએ જણાવ્યું છે. આવી સ્થિતિમાં ઘરની બહાર નીકળવું યોગ્ય નથી. ભારે વરસાદને કારણે નાગપુરની શાળાઓમાં રજા જાહેર કરવામાં આવી છે. પાલિકાએ નાગરિકોને ઘરની બહાર ન નીકળવા સૂચના આપી છે. નીચાણવાળા વિસ્તારોમાં ફસાયેલા લોકોને પહેલા મદદ કરવામાં આવી રહી છે.
