ગુજરાત પોલીસે ભૂતપૂર્વ ગુજરાતી ફિલ્મ અભિનેતા અને તત્કાલીન દિગ્દર્શક અને તેમની પત્નીની દારૂ વેચવાના આરોપમાં ધરપકડ કરી છે. પોલીસે મોટી માત્રામાં દારૂની બોટલો પણ જપ્ત કરી છે.
ગુજરાતમાં દારૂબંધીના કાયદાનો ચુસ્તપણે અમલ થતો હોવાની વાતો પોલીસ દ્વારા કરવામાં આવી રહી છે પરંતુ અવારનવાર પોલીસના હાથે ઝડપાતો લાખો રૂપિયાનો દારૂ અને આરોપી બુટલેગરો જ આ વાતનો છેદ ઉડાડી રહ્યા હોય તેવું લાગી રહ્યું છે. આ બધા વચ્ચે ગુજરાતના સુરતમાં એક ચોંકાવનારો કિસ્સો પ્રકાશમાં આવ્યો છે. સુરત પોલીસે ગુજરાતી ફિલ્મના એક એક્ટર અને દિગ્દર્શક તેમજ તેની પત્નીની દારૂ વેચવાના આરોપમાં ધરપકડ કરી છે. પોલીસે તેમની પાસેથી વિવિધ બ્રાન્ડની સેંકડો બોટલો સહિત દારૂનો મોટો જથ્થો જપ્ત કર્યો છે. સુરત શહેર પોલીસના જણાવ્યા અનુસાર, જપ્ત કરાયેલ દારૂની કિંમત 2.86 લાખ રૂપિયા છે.
સુરતની કાપોદ્રા પોલીસને બાતમી મળી હતી કે, કાપોદ્રાના મરઘા કેન્દ્ર પાસે આવેલ રવિ પાર્ક સોસાયટીના ખુલ્લા મેદાનમાં એક કારમાં દારૂની હેરાફેરી થઈ રહી છે. ત્યારે પોલીસે ઘટના સ્થળ પર જઈને તપાસ કરતા એક કારમાં દારૂની હેરાફેરી થતી હોવાનું સામે આવ્યું હતું. પોલીસ દ્વારા વધુ તપાસ કરતા જાણવા મળ્યું હતું કે, વરાછાની આદર્શ નગર સોસાયટીમાં રહેતો વિજય બારૈયા તેમજ જય બારૈયા અને જયની પત્ની મીનાક્ષી આ દારૂનું વેચાણ અને હેરાફેરી કરતા હતા.
સુરત ડીસીપી ઝોન-૧ આલોક કુમારના જણાવ્યા અનુસાર, ગુપ્ત માહિતીના આધારે કાર્યવાહી કરતા, પોલીસે જય જીમી બારૈયાની તેમની પત્ની સાથે દારૂ વેચવાના આરોપમાં ધરપકડ કરી છે. પોલીસે દારૂ મોકલનારા લોકોને વોન્ટેડ જાહેર કર્યા અને વધુ તપાસ શરૂ કરી. પોલીસના જણાવ્યા અનુસાર, આ કામમાં જીમી બારૈયાની પત્ની મીનાક્ષીની સંડોવણી પણ સામે આવી છે. પોલીસ સમગ્ર મામલાની ઊંડાણપૂર્વક તપાસ કરી રહી છે.
સુરતની કાપોદ્રા પોલીસને બાતમી મળી હતી કે, કાપોદ્રાના મરઘા કેન્દ્ર પાસે આવેલ રવિ પાર્ક સોસાયટીના ખુલ્લા મેદાનમાં એક કારમાં દારૂની હેરાફેરી થઈ રહી છે. ત્યારે પોલીસે ઘટના સ્થળ પર જઈને તપાસ કરતા એક કારમાં દારૂની હેરાફેરી થતી હોવાનું સામે આવ્યું હતું. પોલીસ દ્વારા વધુ તપાસ કરતા જાણવા મળ્યું હતું કે, વરાછાની આદર્શ નગર સોસાયટીમાં રહેતો વિજય બારૈયા તેમજ જય બારૈયા અને જયની પત્ની મીનાક્ષી આ દારૂનું વેચાણ અને હેરાફેરી કરતા હતા.
પોલીસના જણાવ્યા અનુસાર, આરોપીઓ પાસેથી ૨.૮૫ લાખ રૂપિયાનો વિદેશી દારૂ, ૧૦.૯૧ લાખ રૂપિયાની એક કાર અને અન્ય કિંમતી વસ્તુઓ જપ્ત કરવામાં આવી છે. પોલીસના જણાવ્યા અનુસાર, આ સાથે તે કાર ખરીદવા અને વેચવાનો વ્યવસાય પણ કરે છે. બંને જોડિયા ભાઈઓ પણ ફિલ્મ જગત સાથે સંકળાયેલા છે. પોલીસ કમિશનર અનુપમ સિંહ ગેહલોતના નિર્દેશો બાદ સુરત શહેર પોલીસે તાજેતરમાં ડ્રગ્સના દુરુપયોગ સામે ઝીરો ટોલરન્સ ઝુંબેશ શરૂ કરી છે. પોલીસ ખાસ કરીને ડ્રગ્સ અને દારૂના વેચાણ પર નજર રાખી રહી છે.
