જામનગરના બેડી બંદર રોડનો વીડિયો હાલ સોશિયલ મીડિયામાં વાયરલ થઇ રહ્યો છે. જેમાં રોડ વચ્ચે ગરબાની પ્રેક્ટિસ કરવામાં આવી છે. તેમાં પોલીસે બે ગરબા ક્લાસ સંચાલકોની ધરપકડ કરી છે. જેમાં સોશિયલ મીડિયામાં રીલ બનાવવોનો ક્રેઝ જોખમી બની શકે છે.
શહેરના બેડી બંદર રોડનો વીડિયો વાયરલ થઇ રહ્યો છે. જેમાં વીડિયો બનાવવા માટે થઇ રોડ બ્લોક કર્યો હતો. રીલ બનાવવા માટે રસ્તા પર જ ગરબા કરવા લાગ્યા હતા. શહેરના બેડી-બંદર ખાતેના જાહેર માર્ગની વચ્ચે નાગરીકોને પડતી અગવડતાની અવગણના કરી તથા ગંભીર અકસ્માત થવાની શક્યતા હોવા છતાં બેફીકરાઇથી એક યુવા ગ્રુપને ગરબાની પ્રેક્ટીસ કરાવતાનો હોવાનો વીડિયો ધ્યાને આવ્યો હતો.
જે બાબતે તપાસ કરી ખરાઇ કરતા “રાસ રસિયા ગરબા કલાસીસ”ના બન્ને સંચાલક તથા કોરીયોગ્રાફર હોવાનું સામે આવ્યું હતુ. જેમાં દાંડિયા સંચાલક સામે કાર્યવાહી થઇ છે. સાથે જ લોકોને અપીલ કરવામાં આવી હતી કે સહેલાઇથી પ્રસિધ્ધી મેળવવાની ઇચ્છામાં કાયદાનું ઉલ્લંઘન કરશો નહીં. સોશિયલ મીડિયાના ઉપયોગ વખતે તમામ નિયમોનું પાલન કરશો તેવો પોલીસ દ્વારા અનુરોધ કરાયો હતો.
