અમેરિકાના 47મા રાષ્ટ્રપતિ તરીકે ડોનાલ્ડ ટ્રમ્પના શપથ ગ્રહણ પહેલા, ભારતીય શેરબજારમાં તોફાની ઉછાળો જોવા મળ્યો હતો. ટ્રેડિંગ દરમિયાન, સેન્સેક્સ 700 પોઈન્ટ સુધી ઉછળ્યો હતો.
અમેરિકામાં ડોનાલ્ડ ટ્રમ્પના આગમન માટે કાઉન્ટડાઉન શરૂ થઈ ગયું છે અને વિશ્વભરના બજારો તેમના આગમનને આવકારવા માટે ઉછળ્યા છે. બોમ્બે સ્ટોક એક્સચેન્જના 30 શેરવાળા સેન્સેક્સ ટ્રેડિંગ દરમિયાન 700 પોઈન્ટ સુધી ઉછળ્યા હતો. દરમિયાન, બેંકિંગ શેરોમાં તોફાની ઉછાળો જોવા મળ્યો હતો અને HDFC બેંકથી લઈને SBI શેર ગ્રીન ઝોનમાં બંધ થયા.
શપથના દિવસે ટ્રમ્પની જીત જેવી જ અસર જોવા મળી.
ડોનાલ્ડ ટ્રમ્પે રાષ્ટ્રપતિની ચૂંટણી જીતી ત્યારે BSE સેન્સેક્સ 901.50 પોઈન્ટના વધારા સાથે 80,378.13 પર બંધ થયો હતો, અને નિફ્ટી પણ 270 પોઈન્ટથી વધુ ઉછળ્યો હતો. હવે આજે શપથ ગ્રહણના દિવસે સારી શરૂઆત પછી, બંને બજાર સૂચકાંકો થોડા સમય માટે સુસ્તીથી ટ્રેડ થતા જોવા મળ્યા, પરંતુ બપોરે 12 વાગ્યાની આસપાસ, સેન્સેક્સ અને નિફ્ટીએ ગતિ પકડવાનું શરૂ કર્યું અને બજાર બંધ થાય ત્યાં સુધી આ ગતિ ચાલુ રહી હતી.
ટ્રંપના સ્વાગતમાં માર્કેટ ગ્રીન
સપ્તાહના પહેલા ટ્રેડિંગ દિવસે, સોમવારે, BSE સેન્સેક્સ 76,978.53 પર ખુલ્યો હતો, જે તેના પાછલા બંધ કરતા લગભગ 300 પોઈન્ટ વધીને 77,318.94 ના સ્તરે પહોંચ્યો હતો. જોકે, અંતે તેની ગતિ થોડી ધીમી પડી, છતાં સેન્સેક્સ 454.11 પોઈન્ટ ઉછળીને 77,073.44 પર બંધ થયો હતો. સેન્સેક્સની જેમ, નિફ્ટી ઇન્ડેક્સ પણ ગ્રીન ઝોનમાં ટ્રેડ થવા લાગ્યો અને 23,391 પર કૂદી ગયો. અંતે, નિફ્ટી 141.55 પોઈન્ટ વધીને 23,344.75 પર બંધ થયો હતો.
આજે HDFC બેંકથી લઈને SBI સુધી, બધા જ બેન્કીંગ શેર વધારા સાથે બંધ થયા હતો. ટોચના 10 શેરોની વાત કરીએ તો, લાર્જ-કેપ કેટેગરી કોટક મહિન્દ્રા બેંક શેર (9.15%), બજાજ ફાઇનાન્સ શેર (3.58%), NTPC શેર (2.96%) અને SBI શેર (2%) ના વધારા સાથે બંધ થયા.
ગયા શુક્રવારે, બંને શેરબજાર સૂચકાંકો ઘટાડા સાથે લાલ રંગમાં બંધ થયા હતા. બીએસઈનો ૩૦ શેરનો સેન્સેક્સ ૭૭,૦૬૯.૧૯ પર ખુલ્યો અને ૪૨૩.૪૯ પોઈન્ટના ઘટાડા સાથે ૭૬,૬૧૯.૩૩ પર બંધ થયો. આ ઉપરાંત, એનએસઈનો નિફ્ટી-૫૦ પણ ૨૩,૨૭૭.૧૦ પર ખુલ્યો અને અંતે ૧૦૮.૬૦ પોઈન્ટના ઘટાડા પછી ૨૩,૨૦૩.૨૦ પર બંધ થયો.
