દેશમાં છેલ્લા કેટલાક સમયથી સરકારી નોકરીની પરીક્ષામાં પેપર લીક, પછી પોલીસનો લાઠીચાર્જ, નોકરી માટે વલખા મારવું કરે તો શું કરવું
તમે જન્મ દિવસ, પુણ્યતિથિ, મેરેજ એનિવર્સરી, વેલેન્ટાઈન ડે વિશે તો સાંભળ્યું જ હશે. પરંતુ શું તમે બેરોજગાર દિવસ ((World Unemployement Day) વિશે સાંભળ્યું છે? હા, આવું પણ બને છે. દર વર્ષે, ૬ માર્ચ માત્ર ભારતમાં જ નહીં પરંતુ સમગ્ર વિશ્વમાં વિશ્વ બેરોજગારી દિવસ તરીકે ઉજવવામાં આવે છે. પરંતુ હાલમાં ભારતમાં આ દિવસની વધુ ચર્ચા થાય છે, કારણ કે જ્યારે નોકરીના નામે પેપર લીક થાય છે, તો ક્યારેક પોલીસ લાઠી ચાર્જ તો ક્યારેક કોર્ટ કેસના પગથિયા જેવા પર ચર્ચા તો થશે ને
બેરોજગારી દિવસ પર… આ દેશમાં છેલ્લા કેટલાક દિવસોમાં સરકારી નોકરીની પરીક્ષાઓમાં પેપર લીકની અનેક છેડછાડની ઘટના બની છે.
ગુજરાતમાં જુનિયર ક્લાર્ક નું પેપર ફુટ્યાબાદ પરીક્ષા રદ્દ
ગુજરાતમાં ૨૯ જાન્યુઆરી ૨૦૨૩ ના રોજ યોજાનારી જુનિયર ક્લાર્કની સ્પર્ધાત્મક પરીક્ષા પેપર લીક થવાને કારણે પરીક્ષા રદ્દ કરવામાં આવી હતી. જુનિયર ક્લાર્કની ૧,૧૫૦ જગ્યાઓ માટે નવ લાખ ઉમેદવારોએ ફોર્મ ભર્યા હતા.
ગુજરાત પંચાયત સેવા પસંદગી બોર્ડે પોલીસ દ્વારા શંકાસ્પદ વ્યક્તિને પકડી લીધા બાદ અને તેની પાસેથી પરીક્ષાના પેપરની નકલ કબજે કર્યા બાદ ઉમેદવારોના મોટા હિતમાં પરીક્ષા ‘સ્થગિત’ કરવાનો ર્નિણય લીધો છે, એમ ૧૨ નવેમ્બરએ રાજ્ય પંચાયત પરીક્ષા બોર્ડે એક નિવેદનમાં જણાવ્યું હતું.
ઉત્તરાખંડમાં પેપર લીકનો રેકોર્ડ
આ વર્ષે ફેબ્રુઆરીમાં ઉત્તરાખંડના દેહરાદૂનની સડકો પર પોલીસ વિદ્યાર્થીઓને મારતી હતી. કારણ એ હતું કે ઉત્તરાખંડમાં એક પછી એક પેપર લીક થયા હતા, જેના કારણે ઉમેદવારો ભ્રષ્ટાચાર, હેરાફેરી, પેપર લીક, પરીક્ષા આયોજક કમિશનમાં નોકરીમાં વિલંબ સામે રસ્તા પર ઉતરી આવ્યા હતા. ૮ જાન્યુઆરી, ૨૦૨૩ના રોજ ઉત્તરાખંડમાં પટવારી અને લેખપાલના પદ માટે પરીક્ષાઓ યોજાઈ હતી. પરંતુ પરીક્ષા બાદ તેનું પેપર લીક થયું હોવાનું જાણવા મળ્યું હતું. આ પરીક્ષામાં એક લાખથી વધુ ઉમેદવારોએ હાજરી આપી હતી. આ પરીક્ષાની જાહેરાત ૨૦૨૧માં જ આવી હતી. આ ભરતી ૫૫૪ જગ્યાઓ માટે કરવામાં આવી હતી.
અગાઉ ઉત્તરાખંડ સબઓર્ડિનેટ સર્વિસિસ સિલેક્શન કમિશન પટવારી અને લેખપાલ માટે પરીક્ષા લેવા માટે જવાબદાર હતું, પરંતુ ઘણા વધુ પેપર લીક થવાને કારણે, UKSSSC સ્કેનર હેઠળ આવ્યું. ત્યારબાદ સરકારે સપ્ટેમ્બર ૨૦૨૨થી ઉત્તરાખંડ પબ્લિક સર્વિસ કમિશન (UKPSC)ને આ ભરતીની જવાબદારી સોંપી હતી. પરંતુ તેમ છતાં પેપર લીક થયું હતું.
૭ વર્ષથી ઉત્તરાખંડના યુવાનો પટવારી, લેખપાલ બનવાની રાહ જાેઈ રહ્યા છે. રાજ્યમાં છેલ્લી પટવારીની ભરતી માટે ૨૦૧૫માં પ્રક્રિયા શરૂ થઈ હતી. અને ૨૦૧૮ ફરી, રાજ્યમાં પટવારી-લેખપાલની કોઈ નવી ભરતી થઈ નથી.
હિમાચલ પ્રદેશમાં પેપર લીકની ઘટના સામે આવી
જુનિયર ઓફિસ આસિસ્ટન્ટ (JOA-IT)નું પેપર નું વર્ષ ૨૦૨૨માં થયેલા કેટલાક પેપર લીકની ઘટનામાં પહેલા પોલીસ ભરતીનું પેપર લીક થયું હતું, ત્યાર બાદ ડિસેમ્બર મહિનામાં જુનિયર ઓફિસ આસિસ્ટન્ટ (JOA-IT)નું પેપર લીક થયું હતું (JOA-IT પેપર લીક). આ પેપરનું આયોજન હિમાચલ પ્રદેશ સ્ટાફ સિલેક્શન કમિશન, હમીરપુર (HPSSC) દ્વારા કરવામાં આવી રહ્યું હતું. પરીક્ષા ૨૫મી ડિસેમ્બરે હતી. પરંતુ પેપર લીકના સમાચાર બાદ પરીક્ષા રદ કરવામાં આવી હતી. પસંદગી આયોગની ગોપનીય શાખામાં સિનિયર આસિસ્ટન્ટ તરીકે લાંબા સમયથી કામ કરતા કર્મચારી સામે પેપર લીકનો આરોપ લગાવવામાં આવ્યો હતો. વિજિલન્સે મહિલા કર્મચારી અને તેના પુત્ર સહિત છ લોકોની ધરપકડ કરી હતી અને ભ્રષ્ટાચાર નિવારણ અધિનિયમ હેઠળ કેસ નોંધ્યો હતો. કુલ ૧,૦૩,૩૪૪ ઉમેદવારોએ ૩૧૯ જગ્યાઓ માટે ૪૭૬ પરીક્ષા કેન્દ્રો પર પરીક્ષા માટે અરજી કરી હતી.
હિમાચલ પોલીસ કોન્સ્ટેબલની ૧૩૩૪ જગ્યાઓ માટે ૨૭ માર્ચ ૨૦૨૨ના રોજ પરીક્ષા લેવામાં આવી હતી. પરંતુ ૬ મેના રોજ પરીક્ષા રદ કરવી પડી હતી.
આ પેપર લીક અને હેરાફેરીને જાેતા કોંગ્રેસની સુખુ સરકારે સ્ટાફ સિલેકશન કમિશન, હમીરપુરને સસ્પેન્શન બાદ ભંગ કરી દીધું છે. સરકારે વર્ષ ૨૦૧૯થી લેવાયેલી તમામ પરીક્ષાઓને પણ તપાસ હેઠળ રાખી છે. તપાસ રિપોર્ટ અનુસાર, વર્ષ ૨૦૧૯થી લેવાયેલી ૨૨ પરીક્ષાઓ પણ તપાસ હેઠળ છે. આવી સ્થિતિમાં ૨૫૦૦થી વધુ જગ્યાઓ માટે ભરતી પર તલવાર લટકી રહી છે.
