આગનાં કારણે બેટરીઓ ધડાકા સાથે ફાટતા શો રૂમનાં કાચ તૂટી ગયા હતા
ફાયરબ્રિગેડની ટીમે પાણીનો મારો ચલાવી આગને કાબૂમાં લીધી
અવાર-નવાર ઇલેક્ટ્રિક વ્હીકલમાં બેટરી બ્લાસ્ટ થવાના સમાચાર સામે આવે છે. તેવામાં આજે અમદાવાદ શહેરના અસારવા વિસ્તારમાં અભિષેક-3 એસ્ટેટમાં આવેલા ઈલેક્ટ્રિક વ્હીકલના શોરૂમમાં આગ લાગવાની ઘટના સર્જાઈ હતી. આગ લાગતાં શોરૂમમાં રહેલી બેટરીઓ ધડાકા સાથે ફાટવા લાગી હતી, જેના લીધે શોરૂમનાં કાચ પણ તૂટી ગયા હતા.
આસપાસની દુકાનમાં રહેલા લોકોમાં ભય ફેલાયો હતો. ઘટનાની જાણ કરતાં ફાયરબ્રિગેડની ટીમ તાત્કાલિક ઘટનાસ્થળે પહોંચી હતી, અને આસપાસની દુકાનો પ ણ ખાલી કરાવી હતી. ટીમે પાણીનો મારો ચલાવી આગને કાબૂમાં લીધી હતી. ઘટનામાં કોઈ જાનહાનિ થઈ નથી.
આગમ્ય કારણોસર આગ લાગી હોવાનું પ્રાથમિક રીતે જાણવા મળ્યું છે. આગને કારણે શોરૂમમાં પડેલો સામાન બળીને ખાખ થઇ જતાં મોટું નુકસાન થયું છે. આ ઘટનાથી આસપાસની દુકાનમાં લોકોમાં ભય ફેલાયો હતો.
