પઠાણનું ગીત ‘બેશરમ રંગ’માં દીપિકા પાદુકોણની ઓરેન્જ બિકીનીના કારણે હિન્દુ સંગઠનોએ ભારે હોબાળો મચાવ્યો છે.
બોલિવૂડના બેતાજ બાદશાહ શાહરૂખ ખાન લગભગ ચાર વર્ષ બાદ મોટા પડદા પર વાપસી કરવા માટે તૈયાર છે. શાહરૂખની આગામી ફિલ્મ પઠાણનું ટ્રેલર રિલીઝ થઈ ગયું છે. રોમાન્સ સિવાય શાહરૂખ ખાન પહેલીવાર આટલી જબરદસ્ત એક્શન કરતો જાેવા મળી રહ્યો છે.
ફિલ્મના ટ્રેલરમાં સિદ્ધાર્થ આનંદની જૂની ફિલ્મોની ઝલક જાેવા મળે છે. ટ્રેલર જાેઈને તમને ‘બેંગ-બેંગ’ અને ‘વોર’ જેવી એક્શન ફિલ્મો યાદ આવી જશે.
પઠાણ માં શાહરૂખ ખાન એક સૈનિકની ભૂમિકામાં છે, જે દીપિકા પાદુકોણ સાથે મળીને ભારત પરના હુમલાને રોકવાનો પ્રયાસ કરે છે. તે જ સમયે, જાેન અબ્રાહમ વિલનની ભૂમિકામાં છે.
પઠાણ મૂવી રિલીઝ પહેલા જ વિવાદમાં છે
ફિલ્મ ‘પઠાણ’ તેના પહેલા ગીતથી જ વિવાદોમાં ફસાઈ ગઈ છે. હિંદુવાદી અને દક્ષિણપંથી સંગઠનો ફિલ્મના ગીત ‘બેશરમ રંગ’માં દીપિકા પાદુકોણની નારંગી બિકીનીને લઈને ભારે હોબાળો કરી રહ્યા છે. મધ્યપ્રદેશના ગૃહમંત્રી નરોત્તમ મિશ્રાએ પણ ફિલ્મના ગીતનો વિરોધ કરતા ટ્વીટ કર્યું હતું કે, ફિલ્મ પઠાણના ગીતમાં ટુકડે ટુકડે ગેંગની સમર્થક અભિનેત્રી દીપિકા પાદુકોણનો પોશાક ખૂબ જ વાંધાજનક છે અને ગીત ભ્રષ્ટ માનસિકતા સાથે ફિલ્માવવામાં આવ્યું છે.
સેન્સર બોર્ડે ૧૦ કટ કર્યા બાદ ફિલ્મને UA સર્ટિફિકેટ પણ આપ્યું છે. અહેવાલો અનુસાર, RAW શબ્દને ‘અમારા’ સાથે બદલવામાં આવ્યો હતો અને ‘લંગડા-લુલા’ શબ્દને ‘ટુટે-ફૂટ’ સાથે બદલવામાં આવ્યો હતો. તે જ સમયે PMO શબ્દ હટાવી દેવામાં આવ્યો હતો અને ૧૩ અલગ-અલગ જગ્યાએ PMO શબ્દ બદલીને રાષ્ટ્રપતિ અથવા મંત્રી કરવામાં આવ્યો છે.
શાહરૂખ-દીપિકાની જાેડી ફરી પઠાણમાં જાેવા મળશે
શાહરૂખ અને દીપિકાની જાેડી ચોથી વખત મોટા પડદા પર જાેવા મળશે. ‘ઓમ શાંતિ ઓમ’માં શાહરૂખ સાથે ડેબ્યૂ કર્યા બાદ દીપિકાએ તેની સાથે ‘ચેન્નઈ એક્સપ્રેસ’ અને ‘હેપ્પી ન્યૂ યર’માં કામ કર્યું હતું. ‘પઠાણ’માં જાેન અબ્રાહમ, ડિમ્પલ કાપડિયા અને આશુતોષ રાણા પણ લીડ રોલમાં છે.
‘પઠાણ’નું નિર્દેશન સિદ્ધાર્થ આનંદ દ્વારા કરવામાં આવ્યું છે, જે અગાઉ ‘બેંગ બેંગ’ અને ‘વોર’ જેવી એક્શન ફિલ્મોનું નિર્દેશન કરી ચૂક્યા છે. આ ફિલ્મનું નિર્માણ યશ રાજ ફિલ્મ્સ દ્વારા કરવામાં આવ્યું છે. તે ૨૫ જાન્યુઆરીએ રિલીઝ થશે.
