ભારતીય શેરબજારોમાં આજે મોટો ઘટાડો જોવા મળ્યો હતો. દિવસના કારોબાર દરમિયાન BSE સેન્સેક્સ 1290 પોઈન્ટ તૂટ્યો હતો. તે જ સમયે, નિફ્ટી 400 પોઈન્ટ ઘટીને 23,600ની સપાટીએ પહોંચી ગયો હતો. શેરબજારના રોકાણકારોમાં ભય દર્શાવતે ઈન્ડિયા VIX, ઈન્ડેક્સ આજે 13 ટકા ઉછળ્યો હતો. તમામ સેક્ટરનાં ઈંન્ડેક્સ પણ લાલ નિશાનમાં ટ્રેડ થઈ રહ્યા હતા. નિફ્ટી નિફ્ટી મેટલ ઈન્ડેક્સ 2.66% ઘટ્યો. ત્યારે, નિફ્ટી પીએસયુ બેંક ઇન્ડેક્સ 3.35% અને નિફ્ટી ઓટો ઇન્ડેક્સ 1.68% ઘટ્યો.
બપોરના વેપારમાં, BSE સેન્સેક્સ 1,290 પોઈન્ટથી વધુ ઘટીને 77,920.91ની ઈન્ટ્રાડે નીચી સપાટીએ જ્યારે નિફ્ટી 403.25 પોઈન્ટ ઘટીને 23,601.50ની સપાટીએ પહોંચ્યો હતો. શેરબજારમાં આજના ઘટાડા પાછળ આ 5 કારણો મહત્વના હતા.
1. ભારતમાં HMPV વાયરસના કેસ નોંધાયા
ચીનમાં ફેલાયેલા કોરોના જેવા નવા વાયરસ HMPVના અત્યાર સુધીમાં ભારતમાં બે કેસની પુષ્ટિ થઈ છે. શેરબજારની સામે પહેલેથી જ રહેલી તમામ અનિશ્ચિતતાઓ વચ્ચે, આ નવા વાયરસના સમાચારે રોકાણકારોને ચોંકાવી દીધા છે. કર્ણાટકમાં બે બાળકોમાં આ વાયરસ જોવા મળ્યો હતો. જો કે, સ્વાસ્થ્ય મંત્રાલયે કહ્યું કે બંને બાળકો સ્વસ્થ થવાના માર્ગ પર છે અને ગભરાવાની જરૂર નથી.
મંત્રાલયે ભારપૂર્વક જણાવ્યું હતું કે ભારત સહિત ઘણા દેશોમાં HMPV ચેપ પહેલેથી જ ફેલાઈ રહ્યો છે અને વિવિધ દેશોમાં તેનાથી સંબંધિત શ્વસન રોગોના કેસ નોંધાયા છે. મંત્રાલયે ખાતરી આપી છે કે ચિંતા કરવાનું કોઈ કારણ નથી. તેમણે કહ્યું કે મંત્રાલયે કહ્યું કે સમગ્ર દેશમાં કરવામાં આવેલી તાજેતરની તૈયારીઓ દર્શાવે છે કે ભારત શ્વસન રોગોના કેસોમાં કોઈપણ સંભવિત વધારાનો સામનો કરવા માટે તૈયાર છે અને જો જરૂર પડે તો જાહેર આરોગ્યના પગલાં તાત્કાલિક લાગુ કરી શકાય છે.
2. ત્રીજા ક્વાર્ટરના પરિણામોની રાહ
ડિસેમ્બર ક્વાર્ટરના પરિણામો પહેલા રોકાણકારો સાવચેત છે. આ સાથે, કેન્દ્રીય બજેટ 2025-26 અને રિઝર્વ બેંક ઓફ ઈન્ડિયાની મોનેટરી પોલિસી કમિટી (MPC)ની આગામી બેઠક અંગે પણ અનિશ્ચિતતા યથાવત છે. જિયોજિત ફાઇનાન્શિયલ સર્વિસિસના રિસર્ચ હેડ વિનોદ નાયરે જણાવ્યું હતું કે જ્યાં સુધી ત્રીજા ક્વાર્ટરના પરિણામોમાંથી કોઈ નવો સંકેત નહીં મળે ત્યાં સુધી બજારો દિશાવિહીન રહેશે.
3. નબળા વૈશ્વિક સંકેતો
શેરબજારમાં આજના ઘટાડા પાછળ નબળા વૈશ્વિક સંકેતો પણ મહત્ત્વનું કારણ હતું. આજના કારોબાર દરમિયાન એશિયન બજારો 1.4 ટકા તૂટ્યા છે. તે જ સમયે, યુએસ ડૉલરમાં મજબૂતાઈ, ઉચ્ચ બોન્ડ યીલ્ડ અને ક્રૂડ ઓઈલના ભાવમાં ઉછાળો વૈશ્વિક બજારો પર દબાણ બનાવે છે. ક્રૂડ ઓઈલના ભાવ હાલમાં ઓક્ટોબર 2024 પછીના સર્વોચ્ચ સ્તરે છે.
જિયોજીત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ ડૉ. વી.કે. વિજયકુમારે જણાવ્યું હતું કે, “ડૉલર ઇન્ડેક્સ હાલમાં 109 પર છે અને 10-વર્ષના યુએસ બોન્ડ્સ પર યીલ્ડ 4.62% છે. તેના કારણે વિદેશી રોકાણકારો ભારતમાંથી વેચાણ કરી રહ્યા છે. આ વેચાણ જ્યાં સુધી આ કારણો સ્થિર ન થાય ત્યાં સુધી ચાલુ રહેવાની અપેક્ષા છે.”
4. વિદેશી રોકાણકારો દ્વારા વેચાણ
વિદેશી રોકાણકારો ભારતીય બજારમાંથી સતત નાણાં ઉપાડી રહ્યાં છે. જાન્યુઆરી 2025માં અત્યાર સુધીમાં વિદેશી પોર્ટફોલિયો રોકાણકારો (FPIs)એ રૂ. 4,285 કરોડનું વેચાણ કર્યું છે, જેના કારણે બજાર પર દબાણ આવ્યું છે.
5. નબળા તકનીકી સંકેતો
જિયોજીત ફાઇનાન્શિયલ સર્વિસિસના ચીફ માર્કેટિંગ સ્ટ્રેટેજિસ્ટ આનંદ જેમ્સે જણાવ્યું હતું કે ટેકનિકલ ચાર્ટ પર નિફ્ટી માટે 23,960 થી 23,860નો ઝોન મહત્ત્વપૂર્ણ સપોર્ટ લેવલ છે. જો નિફ્ટી 23,860 ની નીચે જાય છે, તો તે ફરીથી 23,750 સુધી તૂટી શકે છે.
