- સુપ્રીમ કોર્ટે 17 સપ્ટેમ્બરે પોતાના એક આદેશમાં કહ્યું હતું કે સુપ્રીમ કોર્ટની પૂર્વ પરવાનગી વિના દેશમાં ક્યાંય પણ બુલડોઝર દ્વારા તોડી પાડવામાં આવશે નહી.
- કોર્ટના આદેશના ઉલ્લંઘન સંબંધિત પર સુપ્રીમ કોર્ટે ઓથોરિટીને નોટિસ પાઠવીને તેમની પાસે જવાબ માંગ્યો.
સુપ્રીમ કોર્ટે 17 સપ્ટેમ્બરના રોજ, વચગાળાનો આદેશ આપ્યો હતો કે તેની પરવાનગી વિના દેશમાં કોઈ પણ બુલડોઝર દ્વારા ડિમોલિશન હાથ ધરવામાં આવવું જોઈએ નહી. આ ઉપરાંત સુપ્રીમ કોર્ટે કોર્ટના આદેશના ઉલ્લંઘન પર સંબંધિત ઓથોરિટીને પણ નોટિસ પાઠવી તેમનો જવાબ માંગ્યો છે. જો કે, એવી સ્પષ્ટતા કરવામાં આવી હતી કે આ આદેશ જાહેર રસ્તાઓ, ફૂટપાથ, રેલ્વે લાઇન અથવા પાણીના નિકાલવાળા જગ્યા પરના અતિક્રમણ પર લાગુ થશે નહી.
આસામના કામરૂપ જિલ્લાના સોનાપુરમાં થોડા દિવસો પહેલા સરકારે અધિકારીઓને 347 એકરથી વધુ જમીનમાંથી અતિક્રમણ હટાવવા માટે કાર્યવાહી કરવાનો નિર્દેશ આપ્યો હતો. આ પછી અધિકારીઓએ બુલડોઝર વડે કથિત ગેરકાયદે મકાનોને તોડી પાડવાનું શરૂ કર્યું. ડિમોલિશન અભિયાન હિંસક બન્યું અને પોલીસ ગોળીબારમાં કેટલાક લોકોના મોત પણ થયા હતા. આ ઘટના બાદ સરકારે ફરીથી આ વિસ્તારમાં કથિત ગેરકાયદેસર અતિક્રમણને હટાવવાનું ઝુંબેશ શરૂ કર્યું છે, ત્યારપછી તરત જ અરજદારોએ હાલનો તિરસ્કારનો કેસ દાખલ કર્યો, આરોપ લગાવ્યો કે આસામમાં સત્તાવાળાઓએ કોઈપણ પૂર્વ સૂચના વિના તેમના મકાનોને તોડી પાડવા માટે ચિહ્નિત કરીને કોર્ટના આદેશનું ઉલ્લંઘન કર્યું છે. અરજીમાં આક્ષેપ કરવામાં આવ્યો છે કે સરકારી અધિકારીઓએ કોઈપણ પૂર્વ સૂચના આપ્યા વિના તોડી પાડવા માટે અરજીકર્તાઓના ઘરો પર લાલ સ્ટીકરો લગાવી દીધા હતા.
પરંતુ અરજદાર હુઝૈફા અહમદીએ સરકારના આ પગલા સામે સુપ્રીમ કોર્ટમાં પિટિશન દાખલ કરી હતી અને જણાવ્યું હતું કે આસામ સરકાર આદેશોનું પાલન કરી રહી નથી. સુપ્રીમ કોર્ટનું ઉલ્લંઘન કરવામાં આવી રહ્યું છે. અરજી પર સુનાવણી કરતા જસ્ટિસ બીઆર ગવઈ અને જસ્ટિસ કે.વી. વિશ્વનાથનની બેંચે આસામ સરકારને નોટિસ જારી કરીને યથાસ્થિતિ જાળવી રાખવાનો આદેશ આપ્યો હતો. તેમજ 17 સપ્ટેમ્બરના આદેશનો ભંગ કરવા બદલ જવાબ માંગવામાં આવ્યો છે.
