ભારતીય શેરબજાર આજે એટલે કે, 25 સપ્ટેમ્બરે બુધવારે ગ્રીન ઝોનમાં બંધ થયું હતું. સવારે પણ માર્કેટ 100 પોઈન્ટ તૂટીને ખુલ્યું હતું. આજના ટ્રેડિંગ સેશનમાં બીએસઈ સેન્સેક્સ 85,247.42ની નવી ટોચે પહોંચ્યો હતો અને નેશનલ સ્ટોક એક્સચેન્જનો નિફ્ટી 26032.80 પોઈન્ટની નવી ટોચે પહોંચ્યો હતો.
બજારે આજના સત્રમાં નીચા સ્તરેથી રોજગાર રિકવરી દર્શાવી હતી. સેન્સેક્સે તેની નીચી સપાટીથી 500 પોઈન્ટની રિકવરી જોઈ અને નિફ્ટીએ દિવસના નીચા સ્તરેથી 161 પોઈન્ટની રિકવરી જોઈ. આજના કારોબારના અંતે BSE સેન્સેક્સ 256 પોઈન્ટના ઉછાળા સાથે 85,170 પર અને નિફ્ટી 64 પોઈન્ટના ઉછાળા સાથે 26004 ઉપર બંધ રહ્યો હતો.
ઇન્ડેક્સ પર નજર કરીએ તો નિફ્ટી બેન્ક, ફાર્મા, રિયલ્ટીમાં સારી વૃદ્ધિ જોવા મળી હતી. તમને જણાવી દઈએ કે બુધવારે શરૂઆતી કારોબારમાં શેરબજારના મુખ્ય સૂચકાંકોમાં ઘટાડો નોંધાયો હતો. તમને જણાવી દઈએ કે બુધવારે અને 25 સપ્ટેમ્બરના રોજ શરૂઆતી કારોબારમાં શેરબજારના મુખ્ય સૂચકાંકોમાં ઘટાડો નોંધાયો હતો.
આજે છેલ્લા કલાકોમાં શેરબજારમાં જોરદાર ખરીદીને કારણે સેન્સેક્સ અને નિફ્ટી બંને રેકોર્ડ હાઈ પર બંધ થયા હતા. BSE સેન્સેક્સ 255.83 પોઈન્ટના ઉછાળા સાથે 85,169.87 પર બંધ રહ્યો હતો. એ જ રીતે NSE નિફ્ટી 63.75 પોઈન્ટ વધીને 26,004.15 પોઈન્ટ પર પહોંચ્યો હતો.
દિવસભર લીલા અને લાલ નિશાન વચ્ચે સ્વિંગ કર્યા પછી, છેલ્લા કલાકમાં બજારમાં તેજી આવી હતી, જેના કારણે બંને શેરબજાર લીલા નિશાનમાં બંધ થયા.
અગાઉ ગઈકાલે એટલે કે 24મી સપ્ટેમ્બર મંગળવારના રોજ ભારતીય શેરબજારે સતત ચોથા ટ્રેડિંગ દિવસે ઐતિહાસિક ઓલટાઈમ હાઈ સપાટી બનાવી બનાવી હતી. ટ્રેડિંગ દરમિયાન સેન્સેક્સ 85,163ના સ્તરને સ્પર્શ્યો હતો અને નિફ્ટીએ 26,011ના સ્તરને સ્પર્શ કર્યો હતો. જોકે, આ પછી બજાર નીચે આવ્યું અને સેન્સેક્સ 14 પોઈન્ટ ઘટીને 84,914 પર બંધ થયો. તે જ સમયે, નિફ્ટીમાં માત્ર 1 પોઈન્ટનો વધારો થયો હતો, તે 25,940 ના સ્તરે બંધ થયો હતો.
