રામપુર-કોથગોદામ રૂટ પર રેલવે ટ્રેક પર સાત મીટર લાંબો થાંભલો મૂકીને ટ્રેનને પાટા પરથી ઉથલાવવાનું કાવતરુ કરવામાં આવ્યુ છે. જોકે લોકો પાયલોટે સમસૂચકતા દાખવતા રાજ્યમાં મોટી દુર્ઘટના ટળી છે. લોકો પાયલોટે દૂરથી થાંભલો જોયો અને ઇમરજન્સી બ્રેક લગાવીને ટ્રેનને રોકી દીધી હતી. આ ઘટના સામે આવ્યા બાદ ટ્રેનની સુરક્ષા પર ફરી સવાલો ઉઠ્યા છે.
ઉત્તરપ્રદેશ-ઉત્તરાખંડ બોર્ડર પર ટ્રેનને પલટી મારવાનો પ્રયાસ કરવામાં આવ્યો છે. રામપુર-કાઠગોદામ રૂટ પર રૂદ્રપુરમાં રેલવે ટ્રેક પર સાત મીટરનો પોલ મૂકીને કાઠગોદામ-દહેરાદૂન એક્સપ્રેસ ટ્રેનને પાટા પરથી ઉતારવાનો પ્રયાસ કરવામાં આવ્યો છે. જો કે, લોકો પાયલોટે દૂરથી થાંભલો જોયો અને ઇમરજન્સી બ્રેક લગાવીને ટ્રેનને રોકી મોટી દુર્ઘટના થતી અટકાવી છે. થાંભલાને હટાવીને ટ્રેનને રવાના કરવામાં આવી હતી પરંતુ ઉચ્ચ અધિકારીઓએ સ્થળ પર પહોંચીને તપાસ શરૂ કરી હતી. પોલીસ અધિક્ષક અને જીઆરપી એસપી ઘટના સ્થળે પહોંચ્યા અને સ્થળનું નિરીક્ષણ કર્યું.
અગાઉ ગાઝીપુરમાં ટ્રેક પર લાકડાની બોટ મૂકીને ટ્રેનને ઉથલાવી દેવાનું કાવતરું ઘડવામાં આવ્યું હતું. કાનપુરમાં સિલિન્ડર અને પેટ્રોલ ભરેલા કન્ટેનર રાખવામાં આવ્યા હતા. રાજ્યમાં ટ્રેન ઉથલાવવાની સતત બનતી ઘટનાઓને કારણે પોલીસ પણ એલર્ટ મોડમાં છે. કહેવાય છે કે બુધવારે રાત્રે રૂદ્રપુર બોર્ડરથી શહેર વિસ્તારમાં બળવંત એન્કલેવ કોલોની પાછળથી પસાર થતી રેલવે લાઇન પરના પોલ નંબર 45/10 અને 11 વચ્ચેના ટ્રેક પર કોઈએ લોખંડનો ભારે ઈલેક્ટ્રીક પોલ મૂકી દીધો હતો.
આ દરમિયાન ટ્રેન નંબર 12091 કાઠગોદામ દેહરાદૂન એક્સપ્રેસ એ જ ટ્રેક પર દહેરાદૂનથી કાઠગોદામ પરત ફરી રહી હતી. રેલ્વે લાઈન પર ઈલેક્ટ્રીક પોલ જોતા જ ટ્રેનનો લોકો પાઈલટ ચોંકી ગયો હતો. તાત્કાલિક ઇમરજન્સી બ્રેક લગાવીને ટ્રેનને રોકી અને અધિકારીઓને આ બાબતે જાણ કરી. સાથી રેલવે કર્મચારીઓની મદદથી થાંભલાને પણ પાટા પરથી હટાવી લેવામાં આવ્યો હતો.
કહેવાય છે કે એક્સપ્રેસ ટ્રેન રૂદ્રપુર રેલવે સ્ટેશને 9:45 પર પહોંચવાની હતી. જ્યારે તે 10 મિનિટ મોડી દોડી રહી હતી. ટ્રેન રૂદ્રપુર ઉત્તરાખંડ રેલવે સ્ટેશને 10:15 વાગ્યે પહોંચી. ત્યારપછી ટ્રેનના લોકો પાયલટે સ્ટેશન સુપરિન્ટેન્ડેન્ટ અને જીઆરપીને મામલાની જાણકારી આપી. માહિતી મળતાં જ સ્થાનિક પોલીસ અને જીઆરપી પોલીસ ઘટનાસ્થળે પહોંચી હતી. આ સાથે સીઓ રવિ ખોખર, ઈન્સપેક્ટર ઈન્ચાર્જ બલવાન સિંહ પોલીસકર્મીઓ સાથે ઘટનાસ્થળે પહોંચ્યા હતા.
પોલીસ અધિક્ષક વિદ્યા કિશોર મિશ્રાએ ઘટનાસ્થળે પહોંચી નિરીક્ષણ કર્યું હતું. તેમણે પોલીસ કર્મચારીઓને આવા તોફાની તત્વો પર નજર રાખવા અને તેમની સામે કડક કાર્યવાહી કરવા નિર્દેશ આપ્યો હતો. બીજી તરફ, માહિતી મળતાં જીઆરપી પોલીસ અધિક્ષક પણ ઘટનાસ્થળે પહોંચી ગયા હતા અને સ્થળનું નિરીક્ષણ કર્યું હતું અને જીઆરપી પોલીસને જરૂરી નિર્દેશો આપ્યા હતા.
એસપી રેલ્વે મુરાદાબાદ આશુતોષ શુક્લાના જણાવ્યા અનુસાર, રામપુર-કાઠગોદામ રેલ્વે લાઇન પર રુદ્રપુર સ્ટેશન નજીક બનેલી આ ઘટના બાદ રેલ્વે પથ અધિકારીની ફરિયાદ પર કેસ નોંધવામાં આવ્યો છે. કેસની તપાસ ચાલી રહી છે. ઘટના ટૂંક સમયમાં બહાર આવશે. આ સંદર્ભે સીઓના નેતૃત્વમાં એક ટીમ પણ બનાવવામાં આવી છે.
પૂર્વોત્તર રેલવે ઈજ્જતનગર રેલવે વિભાગના જનસંપર્ક અધિકારી રાજેન્દ્ર સિંહના જણાવ્યા અનુસાર, આરપીએફ-જીઆરપી, સિવિલ પોલીસ અને રેલવેની તમામ ગુપ્તચર એજન્સીઓ આ મામલાની તપાસ કરી રહી છે. આસપાસના સીસીટીવી કેમેરા પણ ચેક કરવામાં આવી રહ્યા છે.
