ડોનાલ્ડ ટ્રમ્પે ભારતને ઈમ્પોર્ટ ડ્યૂટીનો દુરુપયોગ કરનાર ગણાવ્યું હતું. જો કે, તેણે પીએમ મોદીની પ્રશંસા કરી અને તેમને એક શાનદાર વ્યક્તિ કહ્યા.
વડાપ્રધાન મોદી આવતા અઠવાડિયે અમેરિકા જવાના છે તે પહેલા અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે મંગળવારે ભારતને લઈને નિવેદન આપ્યું છે. અમેરિકામાં રાષ્ટ્રપતિની ચૂંટણી પહેલા ભારત પણ ચૂંટણીનો મુદ્દો બની ગયો છે. ટ્રમ્પે કહ્યું હતું કે ભારત આયાત ટેરિફનો ‘દુરુપયોગ કરનાર’ છે. જોકે, ટ્રમ્પે વડાપ્રધાન નરેન્દ્ર મોદીની પ્રશંસા કરી હતી અને તેમને ‘ફેન્ટાસ્ટિક મેન’ ગણાવ્યા હતા. ટ્રમ્પ રિપબ્લિકન રાષ્ટ્રપતિ પદના ઉમેદવાર છે. ટ્રમ્પે મિશિગનમાં પોતાના પ્રચાર દરમિયાન આ વાત કહી હતી. તમને જણાવી દઈએ કે પીએમ મોદી અમેરિકા જવાના છે.
ડોનાલ્ડ ટ્રમ્પે પીએમ મોદીની આવનારી અમેરિકા મુલાકાતનો ઉલ્લેખ કર્યો હતો. પૂર્વ અમેરિકી રાષ્ટ્રપતિએ કહ્યું કે મોદી 21 થી 23 સપ્ટેમ્બર દરમિયાન અમેરિકાની મુલાકાત લેશે. આ દરમિયાન હું તેમને મળીશ. ટ્રમ્પે કહ્યું હતું કે પીએમ મોદી એક અદ્ભુત વ્યક્તિ છે. ટ્રમ્પે વિશ્વના અન્ય ઘણા મોટા નેતાઓના પણ વખાણ કર્યા. જો કે આયાત જકાતના મુદ્દે ભારતને નિશાન બનાવાયું હતું.
ટ્રમ્પે ભારતને એક એવો દેશ ગણાવ્યો જે આયાત જકાત અંગે કડક વલણ અપનાવે છે. તેમણે કહ્યું કે ભારત આયાત પર ભારે ડ્યુટી લાદે છે, જેના કારણે અમેરિકન વેપારીઓ માટે મુશ્કેલીઓ ઊભી થાય છે. જો કે, તેમણે એમ પણ કહ્યું કે પીએમ મોદી સાથે મારા સારા સંબંધો છે, ટ્રમ્પે કહ્યું કે મોદી મને એક ‘શાનદાર’ વ્યક્તિ લાગે છે. ટ્રમ્પે પોતાના ભાષણમાં કહ્યું હતું કે ભારત એક “મજબૂત દેશ” છે. તેમણે ભારતીયોની બુદ્ધિમત્તાના વખાણ કરતા કહ્યું કે “તેઓ સૌથી વધુ તીક્ષ્ણ છે.” તેમણે ભારપૂર્વક જણાવ્યું હતું કે ભારત જેવા દેશો અમેરિકા વિરુદ્ધ વેપારમાં તેમની શક્તિનો ઉપયોગ કરે છે. ટ્રમ્પે એમ પણ કહ્યું હતું કે ચીન તેની સાથે સ્પર્ધા કરવા માટે સૌથી મુશ્કેલ દેશ છે, પરંતુ તે ટેરિફ દ્વારા ચીન સાથે સ્પર્ધા કરી રહ્યો છે.
ડોનાલ્ડ ટ્રમ્પે કહ્યું કે જો હું ચૂંટણી જીતીશ તો અમેરિકા ‘રેસિપ્રોકલ ટ્રેડ’ લાગુ કરશે. ટ્રમ્પે કહ્યું કે જે પણ દેશ અમેરિકા પર કોઈપણ ટેક્સ લગાવે છે, તે ગમે તેટલો હોય, અમેરિકા પણ તે જ દરે ટેક્સ લગાવશે. ટ્રમ્પે કહ્યું કે આ ટેરિફને દૂર કરી શકે છે અને આખરે “મુક્ત વેપાર” તરફ દોરી શકે છે. જો આમ નહીં થાય તો અમેરિકાને આર્થિક રીતે ચોક્કસ ફાયદો થશે.
ટ્રમ્પે પોતાના ભાષણમાં ભારત ઉપરાંત બ્રાઝિલ અને ચીનનો પણ ઉલ્લેખ કર્યો હતો. રિપબ્લિકન રાષ્ટ્રપતિ પદના ઉમેદવારે કહ્યું કે બ્રાઝિલ વેપારની દ્રષ્ટિએ પણ મુશ્કેલ દેશ છે, પરંતુ ચીન સૌથી પડકારજનક છે. ટ્રમ્પે કહ્યું કે જ્યારે તેઓ રાષ્ટ્રપતિ હતા ત્યારે તેમણે ચીન સાથે વ્યવહાર કરવા માટે ટેરિફનો ઉપયોગ કર્યો હતો. જો હું ફરીથી રાષ્ટ્રપતિ બનીશ તો ભવિષ્યમાં પણ આ જ નીતિ અપનાવીશ.
