X પર કરેલી પોસ્ટમાં તેમણે નિરાશા વ્યક્ત કરી હતી તે દર્શાવે છે કે ઝારખંડ વિધાનસભાની ચૂંટણી પહેલા ચંપાઈ સોરેન પક્ષ પલટો કરી શકે તેમ છે.
એવી પણ ચર્ચા છે કે, ઝારખંડ મુક્તિ મોરચા (જેએમએમ)ના નેતા અને ઝારખંડના પૂર્વ મુખ્યમંત્રી ચંપાઈ સોરેન સોમવારે ભારતીય જનતા પાર્ટી (ભાજપ)માં જોડાય તેવી શક્યતા છે. સૂત્રો દ્વારા આ માહિતી આપી છે. ચંપાઈ સોરેનનું દિલ્હીમાં આગમન અને X પર કરેલી પોસ્ટ જેમાં તેમણે નિરાશા વ્યક્ત કરી હતી તે દર્શાવે છે કે તે ઝારખંડ વિધાનસભાની ચૂંટણી પહેલા પક્ષ પલટો કરી શકે તેમ છે. અગાઉની એક પોસ્ટમાં JMM નેતાઓએ જણાવ્યું હતું કે, તેઓએ મુખ્યમંત્રી તરીકે કડવું અપમાન અનુભવ્યું હતું અને તેમની સામે ત્રણ વિકલ્પો ખુલ્લા હતા, જેમાં એક નવું સંગઠન બનાવવાનો સમાવેશ થાય છે.
ધારાસભ્યોને ખરીદીવાનો આરોપ: હેમંત
પહેલાની એક પોસ્ટ તેમના દિલ્હીમાં આગમન પછી તરત જ આવી, જ્યારે પક્ષના સુપ્રીમો અને ઝારખંડના મુખ્યમંત્રી હેમંત સોરેને ભાજપમાં સંભવિત પરિવર્તનની અટકળો વચ્ચે ભગવા પાર્ટી પર ધારાસભ્યોને ખરીદીવા અને સમાજમાં વિભાજન કરવાનો આરોપ મૂક્યો.
X પર કરેલી પોસ્ટમાં તેમણે નિરાશા વ્યક્ત કરી
અગાઉ ચંપાઈ સોરેને ‘X’ પર લખ્યું હતું કે આટલા અપમાન અને તિરસ્કાર પછી, મને વૈકલ્પિક રસ્તો શોધવાની ફરજ પડી. તેમણે આરોપ લગાવ્યો કે જુલાઈના પ્રથમ સપ્તાહમાં તેમને જાણ કર્યા વિના પાર્ટી નેતૃત્વએ અચાનક તેમના તમામ સરકારી કાર્યક્રમો રદ કરી દીધા. ચંપાઈ સોરેને કહ્યું કે પૂછવા પર ખબર પડી કે ગઠબંધન દ્વારા 3 જુલાઈના રોજ ધારાસભ્ય દળની બેઠક બોલાવવામાં આવી છે અને મને કહેવામાં આવ્યું છે કે ત્યાં સુધી તમે મુખ્યમંત્રી તરીકે કોઈ પણ કાર્યક્રમમાં હાજરી આપી શકશો નહીં.
મારું રાજીનામું માંગવામાં આવ્યું: ચંપાઈ સોરેન
તેમણે પૂછ્યું કે શું લોકશાહીમાં મુખ્યમંત્રીના કાર્યક્રમો બીજા કોઈના દ્વારા રદ કરાવવાથી વધુ અપમાનજનક કંઈ હોઈ શકે? ચંપાઈ સોરેને દાવો કર્યો હતો કે મુખ્યમંત્રીને ધારાસભ્ય દળની બેઠક બોલાવવાનો અધિકાર છે, પરંતુ મને બેઠકનો એજન્ડા પણ જણાવવામાં આવ્યો ન હતો. પૂર્વ મુખ્યમંત્રીએ કહ્યું કે બેઠક દરમિયાન મારું રાજીનામું માંગવામાં આવ્યું હતું. મને નવાઈ લાગી પણ મને સત્તા તરફ આકર્ષણ ન હતું, તેથી મેં તરત જ રાજીનામું આપી દીધું, પણ મારા આત્મસન્માનને ઠેસ પહોંચવાથી હું દિલગીર થઈ ગયો. તેમણે લખ્યું કે લાગણીશીલ બનીને પોતાના આંસુ પર કાબૂ રાખવાનો પ્રયત્ન કરી રહ્યો હતો. ભૂતપૂર્વ મુખ્યમંત્રી કહ્યું કે, પરંતુ તેઓ (તેમનું નામ લીધા વિના મુખ્ય પ્રધાન હેમંત સોરેનનો ઉલ્લેખ કરીને) માત્ર ખુરશી સાથે સંબંધિત છે. મને એવું લાગ્યું કે જે પક્ષ માટે આપણે આખું જીવન સમર્પિત કર્યું છે તેમાં મારું કોઈ અસ્તિત્વ જ નથી. તેણે કહ્યું કે આ દરમિયાન આવી ઘણી અપમાનજનક ઘટનાઓ બની, જેનો તે અત્યારે ઉલ્લેખ કરવા માંગતો નથી.
મારી અગંત લડઈ છે ચંપાઈ સોરેને
ભારે હૃદય સાથે મેં વિધાનસભા પક્ષની એજ બેઠકમાં કહ્યું કે આજથી મારા જીવનનો એક નવો અધ્યાય શરૂ થવા જઈ રહ્યો છે. તે દિવસથી આજ સુધી અને આગામી ઝારખંડ વિધાનસભા ચૂંટણી સુધી આ પ્રવાસમાં મારા માટે તમામ વિકલ્પો ખુલ્લા છે. તેમની અંગત લડાઈ છે અને તેઓ નથી ઈચ્છતા કે પક્ષનો કોઈ અન્ય સભ્ય તેમાં સામેલ થાય અથવા સંગઠનને કોઈ નુકસાન પહોંચાડે. પાર્ટીને આપણે લોહી અને પરસેવાથી ઉછેરી છે તેને નુકસાન પહોંચાડવાનું હું ક્યારેય વિચારી શકતો નથી. પરંતુ સંજોગો એવા બન્યા છે કે, પૂર્વ મુખ્યપ્રધાને એમ પણ કહ્યું કે પક્ષના વડા શિબુ સોરેન સ્વાસ્થ્યના કારણોસર રાજકારણમાં સક્રિય નથી. જો સક્રિય રહ્યા હોત તો આ વસ્તુ અલગ હોત, તેમણે દાવો કર્યો કે તેમના મુખ્યમંત્રી તરીકેના કાર્યકાળ દરમિયાન તેમણે જનહિતમાં ઘણા નિર્ણયો લીધા છે.
