વિદેશ મંત્રી જયશંકરે કહ્યું, ભારત બાંગ્લાદેશની સ્થિતિ પર ચાંપતી નજર રાખી રહ્યું છે. બેઠકમાં રાહુલ ગાંધી સહિત આ નેતાઓ રહ્યા હાજર
પાડોશી દેશ બાંગ્લાદેશમાં તખ્તાપલટ બાદ ભારત સરકાર ઢાકાની ઘટનાક્રમ પર ચાંપતી નજર રાખી રહ્યું છે. બીજી મહત્વપૂર્ણ આ બેઠક મંગળવારે દિલ્હીમાં યોજાઈ હતી. સંસદ ભવનમાં સર્વપક્ષીય બેઠક બોલાવવામાં આવી હતી, જેમાં વિદેશ મંત્રી ડૉ. એસ. જયશંકરે વિવિધ પક્ષના નેતાઓ સાથે બાંગ્લાદેશની સ્થિતિ અને રાજકીય સંકટ અંગે ચર્ચા કરી હતી. આ બેઠકમાં ગૃહમંત્રી અમિત શાહ, સંરક્ષણ મંત્રી રાજનાથ સિંહ અને વિપક્ષના નેતાઓમાં રાહુલ ગાંધી, મલ્લિકાર્જુન ખડગે એ હાજરી આપી હતી. જો કે, AAPએ દાવો કર્યો હતો કે તેમને બેઠકમાં આમંત્રણ આપવામાં આવ્યું ન હતું. આ સાથે સંસદીય કાર્ય મંત્રીએ પણ આ બેઠકમાં ભાગ લીધો હતો. આ પહેલા વડાપ્રધાન નરેન્દ્ર મોદીએ સોમવારે સાંજે તેમના નિવાસસ્થાને સુરક્ષા સમિતિ (CCS)ની બેઠક યોજી હતી. આ બેઠકમાં બાંગ્લાદેશની સ્થિતિ પર ઉંડાણપૂર્વક ચર્ચા કરવામાં આવી હતી.
સ્થિતિ એટલી ખરાબ નથી: એસ. જયશંકર
વિદેશ મંત્રી એસ જયશંકરે કહ્યું કે હિંસાગ્રસ્ત દેશ બાંગ્લાદેશમાં સ્થિતિ એટલી ગંભીર નથી કે ત્યાંથી 12,000 થી 13,000 ભારતીયોને બહાર કાઢવાની જરૂર હોય. સંસદમાં સર્વપક્ષીય બેઠકને સંબોધતા જયશંકરે જણાવ્યું હતું કે સરકાર વિરોધી પ્રદર્શનના કારણે બાંગ્લાદેશમાં શેખ હસીનાની આગેવાની હેઠળની સરકારના પતન પછીની સ્થિતિ પર સરકાર નજર રાખી રહી છે જેમાં 300 થી વધુ લોકો માર્યા ગયા છે. આ બેઠકમાં NDAના તમામ સહયોગીઓ અને મોટાભાગની વિપક્ષી પાર્ટીઓએ હાજરી આપી
મંત્રીએ કહ્યું કે લગભગ 8,000 ભારતીયો, મોટાભાગે વિદ્યાર્થીઓ, સરકારી નોકરીઓ માટે વિવાદાસ્પદ ક્વોટા સિસ્ટમના વિરોધને પગલે ભારત પરત ફર્યા છે.
વિદેશ મંત્રીએ જણાવ્યું કે સરકારે હસીના સાથે ટૂંકી ચર્ચા કરી હતી, જેમણે સોમવારે વડા પ્રધાન પદેથી રાજીનામું આપી દીધું હતું અને ભારત ભાગી ગયા હતા. સૂત્રોએ જયશંકરને હવાલાથી કહ્યું, “સરકાર હસીનાને તેની ભાવિ યોજનાઓ નક્કી કરવા માટે થોડો સમય આપવા માંગે છે.
બેઠકમાં રાહુલ ગાંધીએ શુ કહ્યુ?
કોંગ્રેસના સાંસદ રાહુલ ગાંધીએ કહ્યું કે એક મધ્યમ અને લાંબા ગાળાની વ્યૂહરચના હોવી જોઈએ જેમાં ચૂંટણી ન થાય ત્યાં સુધી બાંગ્લાદેશમાં વચગાળાની સરકાર શાસન કરે. વિદ્યાર્થી વિરોધીઓએ નોબેલ પુરસ્કાર વિજેતા ડો. મોહમ્મદ યુનુસને સરકારના મુખ્ય સલાહકાર બનાવવાની માંગ કરી છે. આના પર જયશંકરે કહ્યું કે પરિસ્થિતિ “તરલ અને વિકાસશીલ” છે. બાંગ્લાદેશમાં ભારત વિરોધી ભાવના અંગે જયશંકરે કહ્યું, “કેટલીક જગ્યાએ તે જોવા મળ્યું છે, પરંતુ જે પણ સરકાર આવશે, તે ભારત સાથે વ્યવહાર કરશે.”
બેઠક બાદ પ્રિયંકા ચતુર્વેદીની પ્રતિક્રિયા
બેઠક બાદ શિવસેના (UBT)ના નેતા પ્રિયંકા ચતુર્વેદીએ કહ્યું, “બાંગ્લાદેશમાં જે પણ થઈ રહ્યું છે તેની અસર ભારત પર પણ પડશે. બાંગ્લાદેશ આપણો સરહદી દેશ છે. જો બાંગ્લાદેશમાં અરાજકતા છે, તો તે ભારત માટે સારું રહેશે.” એવું ન મનાય સરકારે વિચારવું જોઈએ કે ત્યાં હાજર ભારતીયોને કેવી રીતે પાછા લાવી શકાય અને સરહદો સુરક્ષિત કરી શકાય.
CCSની બેઠકમાં ઘણા મંત્રીઓ હાજર રહ્યા
CCSની બેઠકમાં વડાપ્રધાન મોદી, ગૃહમંત્રી અમિત શાહ, સંરક્ષણ મંત્રી રાજનાથ સિંહ, વિદેશ મંત્રી એસ. જયશંકર અને નાણામંત્રી નિર્મલા સીતારમણ પણ હાજર હતા. વિદેશ મંત્રી એસ. જયશંકરે કેબિનેટ સમિતિને બાંગ્લાદેશની સ્થિતિ અંગે સંપૂર્ણ માહિતી આપી હતી. આ સિવાય લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ પણ વિદેશ મંત્રી જયશંકર સાથે વાત કરી હતી.
ભારત-બાંગ્લાદેશ બોર્ડર પર હાઈ એલર્ટ જારી
સ્થિતિને જોતા સરકારે બાંગ્લાદેશ સાથેના પૂર્વોત્તર રાજ્યોની ભારત-બાંગ્લાદેશ સરહદ પર એલર્ટ જાહેર કર્યું છે. BSFએ 4096 કિલોમીટર લાંબી ભારત-બાંગ્લાદેશ બોર્ડર પર તકેદારી વધારી છે. સેનાના તમામ એકમો માટે ‘હાઈ એલર્ટ’ (BSF હાઈ એલર્ટ) જારી કરવામાં આવ્યું છે.
BSFના કાર્યવાહક મહાનિર્દેશક (DG) દલજીત સિંહ ચૌધરી અને અન્ય વરિષ્ઠ કમાન્ડરો પશ્ચિમ બંગાળની રાજધાની કોલકાતા પહોંચ્યા અને BSF DGએ ઉત્તર 24 પરગણા જિલ્લા અને સુંદરબન પ્રદેશમાં સુરક્ષા તૈયારીઓની સમીક્ષા કરી. બોર્ડર પર તૈનાત તમામ કર્મચારીઓની રજાઓ રદ કરવામાં આવી હતી.
મેઘાલય અને આસામમાં પણ હાઈ એલર્ટ
BSFએ આસામના કરીમગંજમાં ભારત-બાંગ્લાદેશ બોર્ડર પર પણ ‘હાઈ એલર્ટ’ જારી કર્યું છે. આ દરમિયાન મેઘાલયના મુખ્યમંત્રી કોનરાડ સંગમાએ પણ એક વીડિયો જાહેર કર્યો છે અને કહ્યું છે કે અમે સોમવારે રાતથી સરહદ પર કર્ફ્યુ લગાવી દીધો છે. આ સાથે સુરક્ષા દળોને ભારત-બાંગ્લાદેશ સરહદ પરની તમામ ચેકપોસ્ટ પર દેખરેખ વધારવાના નિર્દેશ આપવામાં આવ્યા છે. સરહદ પાર કરનાર દરેક વ્યક્તિ પર નજર રાખવામાં આવી રહી છે.
