યીપી બદાયુંમાં ડબલ મર્ડર: નાઈએ અસ્તરાથી બે બાળકોની હત્યા કરી, આરોપી પોલીસ એકાંઉન્ટરમાં ઠાર

પિતા વિનોદ કહે છે કે ખબર નથી કે સાજીદ અને તેના ભાઈ જાવેદે મારા બાળકોને કેમ માર્યા? હું ઘણીવાર કામ માટે બહાર હોઉં છું. આરોપીઓ સાથે અમારી કોઈ બોલાચાલી પણ થઈ નથી

બદાયું: ઉત્તર પ્રદેશના બદાયું જિલ્લામાં ડબલ મર્ડરની ઘટનાથી વિસ્તારમાં ભારે હોબાળો મચી હતો. સાજીદ નામક નાઈએ બે ભાઈઓની અસ્તરા વડે ગળું કાપીને તેમની હત્યા કરી હતી. હત્યા દરમિયાન ત્રીજા બાળકને પણ ઇજા પહોંચાડી હતી. મૃતક બાળકોની ઉંમર માત્ર 13 અને 7 વર્ષની હતી. આ હુમલો કરવાની ચોંકાવનારી ઘટના બાદ બદાયુંમાં તંગદિલી ફેલાઈ ગઈ હતી. રોષે ભરાયેલા ટોળાએ હોબાળો મચાવ્યો હતો. આરોપી સાજીદની બાઇક અને દુકાનને આગ ચાંપી દીધી હતી.

ડબલ મર્ડર બાદ પોલીસ એક્શનમાં આવી અને આરોપી સાજિદને રાત્રે જ એન્કાઉન્ટરમાં ઠાર કર્યો. તણાવને કારણે પોલીસે બુધવારે સવારે આ વિસ્તારમાં કૂચ કરી હતી. હવે આ મુદ્દે રાજકારણ પણ શરૂ થઈ ગયું છે. સમાજવાદી પાર્ટીએ યોગી સરકાર પર નિશાન સાધ્યું છે.

ઘરની સામે આરોપીનું સલૂન

બાબા કોલોની મંડી કમિટી પોલીસ ચોકી પાસે રહેતા વિનોદ કુમાર કોન્ટ્રાક્ટર તરીકે કામ કરે છે. પરિવારમાં પત્ની સંગીતા અને બાળકો છે. સંગીતા બ્યુટી પાર્લર ચલાવે છે. મંગળવારે સાંજે વિનોદ ઘરે નહોતો. તે કામ અર્થે બહાર ગયો હતો. સાજીદ અને જાવેદ ઘરની સામે સલૂન ચલાવે છે. આ બંનેનો વિનોદ કુમાર પરિવાર સાથે વિવાદ ચાલી રહ્યો હતો.

છત પર જઈને હત્યા કરી

મંગળવારે સાંજે સાજીદ વિનોદના ઘરે પહોંચ્યો હતો. પોલીસે જણાવ્યું કે તે ઘરમાં ઘૂસી ગયો અને સંગીતા પાસેથી ચા માંગી. દરમિયાન તક ઝડપીને સાજીદ છત પર ચઢી ગયો હતો. જ્યાં વિનોદના ત્રણ બાળકો આયુષ (13), આહાન (7) અને પીયૂષ (6) રમતા હતા. સાજિદે અસ્તરા વડે આયુષ અને અહાનનું ગળું કાપી નાખ્યું.

આ જોઈને પીયૂષ ડરી ગયો. જાવેદે તેના પર પણ હુમલો કર્યો હતો. જેના કારણે તે ઘાયલ થયો હતો. તેની ચીસો સાંભળીને તેના પરિવારના સભ્યો અને આસપાસના લોકો ઉપરના માળે દોડી આવ્યા હતા. પરંતુ ત્યારબાદ આરોપી સાજીદ ઘટનાસ્થળેથી ભાગી ગયો હતો. જ્યારે, આયુષ અને અહાનનું મૃત્યુ થયું હતું.

ટોળાએ સલૂનમાં આગ લગાવી

ડબલ મર્ડર બાદ મોટી સંખ્યામાં લોકો એકઠા થયા હતા. પોલીસને પણ જાણ કરવામાં આવી હતી. ગુસ્સે ભરાયેલા લોકોએ સાજિદના સલૂનમાં તોડફોડ કરી અને આગ લગાવી દીધી. ભીડે મુરાદાબાદ-ફર્રુખાબાદ હાઈવે બ્લોક કરી દીધો હતો. પોલીસ અને અર્ધલશ્કરી દળોએ ભારે મુશ્કેલીથી પરિસ્થિતિને કાબૂમાં લીધી હતી.

આરોપીઓનું એન્કાઉન્ટર

બરેલીના આઈજી રાકેશ કુમારે જણાવ્યું હતું કે આરોપી સાજિદ રાત્રે નજીકમાં જ ઝડપાઈ ગયો હતો, પરંતુ તેણે પોલીસ પર હુમલો કરવાનો પ્રયાસ કર્યો અને એન્કાઉન્ટરમાં માર્યો ગયો. પોલીસના જણાવ્યા અનુસાર હત્યા પાછળનું કારણ બાળકોના પિતા સાથે ચાલી રહેલ વિવાદ હતો. બદાઉનના એસએસપી આલોક પ્રિયદર્શીએ જણાવ્યું કે આ ઘટના મંગળવારે સાંજે 7.30 કલાકે બની હતી. હત્યામાં વપરાયેલ હથિયાર અને રિવોલ્વર મળી આવી છે.

સપાનો આરોપ કહ્યું- ભાજપે ઘટનાને અંજામ આપ્યો

સમાજવાદી પાર્ટીએ આ હત્યાકાંડ પર રાજનીતિ શરૂ કરી દીધી છે. આરોપ છે કે ભાજપ ઉત્તર પ્રદેશમાં રમખાણો અને કોમી તણાવ પેદા કરીને ચૂંટણી જીતવા માંગે છે. આ જ કારણથી તે પોતે પણ આવી ઘટનાઓને અંજામ આપી રહી છે. તે જિલ્લાઓમાં સાંપ્રદાયિક તંગદિલી પેદા કરી રહી છે. બદાઉની ઘટના તેનું પરિણામ છે.

તેમણે વધુમાં જણાવ્યું હતું કે, જ્યારે ભાજપ જાહેર મુદ્દાઓ પર હારી ગઈ છે ત્યારે ધાર્મિક વિવાદ ભાજપનું છેલ્લું હથિયાર છે. ભાજપના ઈશારે ઘણા ગુંડાઓ અને ગુનેગારો ખુલ્લેઆમ ફરી રહ્યા છે. ભાજપની સૂચનાથી જ આ પ્રકારની ઘટનાઓ આચરવામાં આવી રહી છે. જેના કારણે સમાજમાં ઝઘડાઓ વધી રહ્યાં છે.