કેરળમાં સીટ-વહેંચણીની વાતચીત વખતે ઇન્ડિયન યુનિયન મુસ્લિમ લીગ (IUML) કોંગ્રેસ પર દબાણ બનાવીને બે સીટની જગ્યાએ ત્રણની માંગણી કરે છે. IUML વાયનાડથી ચૂંટણી લડવા માંગે છે
કોંગ્રેસ નેતા રાહુલ ગાંધી કેરળમાં તેમની વાયનાડ સંસદીય સીટ છોડી શકે છે. સૂત્રોના જણાવ્યા અનુસાર, રાહુલ ગાંધી આગામી લોકસભાની ચૂંટણીમાં બે મતવિસ્તારમાંથી લડશે, એક કર્ણાટક અથવા તેલંગાણા અને એક ઉત્તર પ્રદેશમાંથી. કેરળમાં સીટ-વહેંચણીની વાતચીત વચ્ચે ઇન્ડિયન યુનિયન મુસ્લિમ લીગે (IUML) કોંગ્રેસ પર આ વખતે બેના બદલે ત્રણ બેઠકો આપવા દબાણ કરી રહી છે. IUML વાયનાડમાંથી ચૂંટણી લડવા માંગે છે કારણ કે તેના મોટાભાગના મતદાતા મુસ્લિમ સમુદાયના છે.
કોમ્યુનિસ્ટ પાર્ટી ઓફ ઇન્ડિયા (CPI) ના મહાસચિવ ડી રાજાની પત્ની એની રાજાને વાયનાડથી ચૂંટણી લડવા મેદાનમાં ઉતાર્યા છે. I.N.D.I.A ગઠબંધનને સારું નહીં લાગે કે કોઈ અગ્રણી નેતાની પત્ની રાહુલ ગાંધી સામે ચૂંટણી લડે. આ મહિનાની શરૂઆતમાં, સીપીઆઈના જનરલ સેક્રેટરી ડી રાજાએ કહ્યું હતું કે કોંગ્રેસને વાયનાડ છોડવા માટે પાર્ટીની રાષ્ટ્રીય કાર્યકારિણીની બેઠકમાં કોઈ ચર્ચા થઈ નથી. રાહુલ ગાંધીએ 2019 માં વાયનાડ સીટ ઉપર સીપીઆઈ ઉમેદવાર પીપી સુનીરને 4 લાખથી વધુ મતોના માર્જિનથી હરાવીને જીત મેળવી હતી.
CPI (M)ના નેતા બ્રિન્દા કરાતે દાવો કર્યો હતો કે કોંગ્રેસ કેરળમાં ડાબેરીઓ સામે લડી રહી છે. તેમણે કહ્યું કે CPIએ ‘મહિલા ચળવળ’માં મહત્વની ભૂમિકા ભજવનાર કોમરેડ એની રાજાને વાયનાડ બેઠક પરથી પોતાના ઉમેદવાર તરીકે જાહેર કર્યા છે. હવે તે સમગ્ર LDF વતી ઉમેદવાર હશે. રાહુલ ગાંધી અને કોંગ્રેસે વિચારવાની જરૂર છે, તેઓ કહે છે કે તેમની લડાઈ બીજેપી સાથે છે. જો તમે કેરળમાં આવીને ડાબેરીઓ સામે લડી રહ્યા છો, તો તમે શું સંદેશ આપો છો? આથી તેણે પોતાની સીટ વિશે ફરી વિચારવું જોઈએ.
