બ્લૂમફોન્ટીનના મંગાઉંગ ઓવલ અંડર-19 વર્લ્ડ કપમાં ભારતનો સામે ન્યુઝીલેન્ડ સાથેની મેચ ચાલુ છે
અંડર-19 વર્લ્ડ કપમાં આજે ભારતની ન્યુઝીલેન્ડ સામેની મેચ ચાલુ છે. સુપર સિક્સની આ મેચ બ્લૂમફોન્ટીનના મંગાઉંગ ઓવલમાં રમાઈ રહી છે. ભારતીય ટીમે તેની તમામ ગ્રુપ લેવલ મેચ જીતી હતી. આ સાથે જ ન્યુઝીલેન્ડે ગ્રુપ લેવલે ત્રણમાંથી બે જીત મેળવી હતી. તેમને પાકિસ્તાન સામે હારનો સામનો કરવો પડ્યો હતો. ભારતીય ટીમ પોતાની જીતનો સિલસિલો જાળવી રાખવા માંગશે.
સરફરાઝ ખાનનો નાનો ભાઈ મુશીર ખાન અંડર-19 વર્લ્ડ કપમાં શાનદાર પ્રદર્શન કરી રહ્યો છે. તેણે ન્યુઝીલેન્ડ સામેની સુપર-સિક્સ મેચમાં સદી ફટકારી હતી. તેણે 109 બોલમાં પોતાની સદી પૂરી કરી હતી. આ ટૂર્નામેન્ટમાં મુશીરની આ બીજી સદી છે. આ પહેલા તેણે 118 રનની ઇનિંગ રમી હતી. સરફરાઝની તાજેતરમાં ઇંગ્લેન્ડ સામેની બીજી ટેસ્ટ માટે ભારતીય ટીમમાં પસંદગી કરવામાં આવી છે. ભારતે 43 ઓવરમાં ચાર વિકેટે 231 રન બનાવ્યા છે
આ મેચમાં મુશીર ખાન 126 બોલમાં 13 ચોગ્ગા અને ત્રણ છગ્ગાની મદદથી 131 રન બનાવીને આઉટ થયો હતો.
