રાજસ્થાન વિધાનસભા ચૂંટણીને લઈને મંગળવારે મેનિફેસ્ટો બહાર પાડવામાં આવ્યો. કોંગ્રેસે તેના ચૂંટણી ઢંઢેરામાં આગામી પાંચ વર્ષમાં પાંચ લાખ યુવાનોને નોકરી આપવા સહિતના અનેક વચનો આપ્યા છે.
રાજસ્થાન વિધાનસભા ચૂંટણીને લઈને મંગળવારે મેનિફેસ્ટો બહાર પાડવામાં આવ્યો છે. કોંગ્રેસે તેના ચૂંટણી ઢંઢેરામાં ઘણા લોકપ્રિય વચનો આપ્યા છે. કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેની હાજરીમાં પાર્ટીએ રાજસ્થાન વિધાનસભા ચૂંટણી માટે પોતાનો ચૂંટણી ઢંઢેરો જાહેર કર્યો છે. આ અવસર પર સીએમ અશોક ગેહલોત, પ્રદેશ પાર્ટી અધ્યક્ષ અને સચિન પાયલટ સહિત ઘણા નેતાઓ હાજર રહ્યા હતા.
કોંગ્રેસનો ઢંઢેરો જાહેર કર્યા બાદ સચિન પાયલોટે મીડિયા સાથે વાત કરતા કહ્યું કે, “અમે લગભગ 2-2.25 લાખ નોકરીઓ આપી છે અને 1 લાખ પ્રક્રિયામાં છે. કેન્દ્ર સરકારના કારણે દેશમાં ઐતિહાસિક બેરોજગારી છે, અમે તેને ખતમ કરવાની જરૂર છે.” રાજ્ય સરકારોએ આ માટે વધુ કામ કરવું પડશે. આને ધ્યાનમાં રાખીને, કોંગ્રેસે આગામી 5 વર્ષમાં લાખો લોકોને રોજગાર આપવાનો સંકલ્પ કર્યો છે.
કોંગ્રેસના મેનિફેસ્ટોના મુખ્ય વચનો
યુવાનો માટે 10 લાખ નવી નોકરીઓ ઉભી કરવામાં આવશે.
મહિલાઓની સુરક્ષા માટે જાહેર સ્થળોએ સીસીટીવી કેમેરા લગાવવામાં આવશે.
ચાર લાખ નવી સરકારી નોકરીઓ આપવામાં આવશે.
મહિલાઓની સુરક્ષા માટે ગાર્ડની નિમણૂંક કરવામાં આવશે.
પરિવહનમાં જારી કરાયેલ મુસાફરી ભાડામાં ડિસ્કાઉન્ટ ઉપરાંત, મફત માસિક કૂપન જારી કરવામાં આવશે.
ખેડૂતો માટે MSP માટે કાયદો બનાવવામાં આવશે.
મનરેગા હેઠળ કામદારો માટે રોજગારનો સમયગાળો વધારીને 150 દિવસ કરવામાં આવશે.
2 લાખ રૂપિયા સુધીની વ્યાજ મુક્ત લોન આપવામાં આવશે.
ઈન્દિરા ગાંધી શહેરી રોજગાર ગેરંટી યોજના હેઠળ રોજગારનો સમયગાળો વધારીને 150 દિવસ કરવામાં આવશે.
મેડિકલ સેક્ટરમાં ચિરંજીવી હેલ્થ પ્રોટેક્શન ઈન્સ્યોરન્સની રકમ 25 લાખ રૂપિયાથી વધારીને 50 લાખ રૂપિયા કરવામાં આવશે.
ચિરંજીવીમાં નિઃસંતાન યુગલો માટે IVF રાષ્ટ્રીય પેકેજનો સમાવેશ કરવામાં આવશે.
ગિગ વર્કર્સ એક્ટમાં ઓટો અને ટેક્સી ડ્રાઈવરોનો સમાવેશ કરવામાં આવશે.
મેનિફેસ્ટો બહાર પાડ્યા પછી મીડિયા સાથે વાત કરતી વખતે, મલ્લિકાર્જુન ખડગેએ કહ્યું, “અમે ચોક્કસ ઘોષણાઓનો અમલ કરીશું. તેમાં કોઈ શંકા નથી.
